Channel 
Pour € 5
Satisfaçom
Grao a grao fazemos montanha. Um pequeno contributo pola simples satisfaçom de apoiar o Novas.
> 01 Cofinanceurs
À propos du projet
Renovamos o Novas para seguir acompanhando a Galiza que se move
Afficher la liste des besoins
Tâche
|
Minimal | Optimal |
|---|---|---|
|
Nova maqueta e desenho gráfico
Umha nova maqueta para acompanhar os novos reptos do projeto jornalístico. A cor, a flexibilidade, a imagem e um reparto eficaz do espaço serám os seus traços definitórios. Um jornalismo de profundidade que transcende o barulho informativo necessita de um formato material que facilite a leitura.
|
€ 1.000 | |
|
Despesas da campanha
Inclui as despesas derivadas das recompensas da campanha, despesas de promoçom e a taxa da própria campanha
|
€ 1.000 |
Matériel
|
Minimal | Optimal |
|---|---|---|
|
Material informático
Necessitamos renovar as ferramentas informáticas que utilizamos para fazer o Novas.
|
€ 1.000 |
Infrastructure
|
Minimal | Optimal |
|---|---|---|
|
Nova web
Umha web para acompanhar a publicaçom em papel, onde poder procurar e ler todos os conteúdos dos números anteriores e na qual se apresente cada novo número. Com um sistema de pesquisa para puderdes ir diretamente àqueles trabalhos que mais vos interessarem.
|
€ 1.000 | |
|
Mobiliário
Necessitamos adquirir novos móveis para a nossa Redaçom antes de alguém sofrer algum acidente.
|
€ 500 | |
| Total | € 3.000 | € 4.500 |
Indispensable
Optionnel
Informations générales
Haverá quem poda pensar que umha publicaçom em papel de periodicidade mensal já nom fai
sentido. Internet abriu o caminho a novos meios de comunicaçom com linhas
editoriais diferentes às que vinham sendo predominantes no jornalismo convencional do país. As
redes sociais nom só permitem o acesso direto a certas fontes informativas; também abrem o
campo para a interaçom direta entre usuárias. A TDT inundou os nossos salons de tertúlias
jornalísticas que dam conta da atualidade segundo a segundo. Existe, com certeza, umha
sensaçom de livre acesso à informaçom.
É possível estarmos realmente informadas entre tanto ruído? Pode ser que, apesar da Internet,
haja realidades que desconheçamos? E se resultar que as doses informativas que recebemos nom
bastam para sabermos o que se esconde por trás de umha notícia? Será necessário aprofundar e ir
além do barulho?
No Novas achamos que sim. Por isso decidimos renovar o nosso compromisso com um jornalismo
diferente, adaptando o projeto ao novo contexto comunicativo para sermos capazes de dar
resposta às demandas da nossa comunidade.
Como é que será o Novas nesta próxima etapa?
-
Vamos apostar no jornalismo de investigaçom e no tratamento em profundidade.
-
Esforçaremo-nos por construir umha agenda temática própria e falar das realidades que nom interessam ao jornalismo convencional.
-
Apresentamos umha nova maqueta, a toda cor, de 32 páginas e com um aspeto visual renovado que vos convide a desfrutar da leitura. Outorgamos um maior protagonismo à imagem, para o que contamos com umha nova equipa de profissionais gráficas.
-
Renovamos as seçons do jornal, com umha estrutura mais simples e flexível que melhor se adapte às necessidades temáticas de cada mês.
-
Lançaremos umha nova página web, para facilitar-vos a consulta da nossa hemeroteca e proporcionar-vos um sumário de cada número desde o momento da sua publicaçom.
Caractéristiques principales
O Novas é umha publicaçom em papel de periodicidade mensal, com umha nova página web como acompanhante.
Pourquoi est-ce important
Nesta nova etapa pretendemos alargar as nossas fronteiras, chegando a novos públicos interessados num projeto jornalístico como este, mas que ainda nom conhecem. O Novas sempre se apoiou do tecido dos movimentos sociais galegos, de onde procedem tanto as pessoas que o lêem como as pessoas que fam possível a sua publicaçom.
Objectifs de la campagne de crowdfunding
Em primeiro lugar, com esta campanha pretendemos conseguir os recursos económicos necessários para renovar o projeto. O Novas vai incorporar muitas mudanças e novidades a respeito da etapa anterior. Algumhas nom requerem de custo nenhum, mas outras necessitamser financiadas, como é a elaboraçom da nova maqueta ou o lançamento da nova web.
Em segundo lugar, queremos aproveitar esta campanha para chegar a todas essas pessoas que ainda nom nos conhecem e que, caso de nos conhecer, pode acompanhar-nos nesta nova etapa.
O Novas da Galiza nasce em 2002 com o objetivo de ser a ferramenta comunicativa ao serviço dos movimentos sociais galegos. Os 150 números publicados até hoje dam boa conta do potencial deste projeto comunitário.
O Novas nom vive de grandes anunciantes, de créditos bancários ou de subvençons públicas. Vive graças aos centos de assinantes que apoiam o projeto e aos seus jornalistas e colaboradores. Contamos com um Conselho de Redaçom composto por sete profissionais e em ampliaçom, umha Equipa de Correçom Linguística integrada por oito expertas e expertos e, como novidade, estamos a impulsar umha nova equipa de fotografia e ilustraçom que dote de conteúdos visuais o jornal.
Desenvolvemos o nosso trabalho na nossa redaçom da rua Santa Clara, em Compostela, no local do centro social A Gentalha do Pichel.
Engagement social
Shared materials
-
Hemeroteca do Novas da Galiza
Ademais da produçom em papel do número de cada mês, todos os conteúdos produzidos pola equipa do Novas da Galiza estarám disponíveis sob licenças abertas na hemeroteca da nossa web.CC - Attribution
Creative Commons License with attribution