Okobi Baratzak Traktorea

Header image
Voir la Video
Financié le 02 / 03 / 2013
Success story!
Accumulé
€ 8.113
Minimal
€ 6.000
Optimal
€ 9.000
73 Cofinanceurs
Channel
  • Pour € 10

    Eskerrak gure web orrian eta komunikabideetan

    Eskerrak emango zaizkio publikoki aportazioa egiten duen edonori. Gure web orrian txoko bat edukiko duzu eta prentsan eskerrak publikoki argitaratuko ditugu.

    > 24 Cofinanceurs
  • Pour € 20

    3 SAGARDO BOTILA

    3 Sagardo botila. Modu naturalean egindako sagardo botilak. Guk egingo dugun banaketaren eremua mugatua izango da (30 km). Nahi duena saskia jasotzera etor daiteke baratzera.
    NAHI DUENAK POSTAZ BIDALTZEKO ESKA DEZAKE eta kaxa bat prestatuko diogu. Bidalketa gastuak eskatzaileak ordaindu beharko ditu + Eskerrak.

    > 15 Cofinanceurs
  • Pour € 35

    Barazkiz betetako saskia + 3 sagardo botila

    Era ekologikoan ekoiztutako sasoian sasoiko barazkien saskia eta 3 sagardo botila. Saskien banaketa eremu mugatu batean egingo da (30 km). Nahi duena saskia jasotzera etor daiteke baratzera. + Eskerrak

    > 23 Cofinanceurs
  • Pour € 50

    Barazkiz betetako saskia + 6 sagardo botila

    Era ekologikoan ekoiztutako sasoian sasoiko barazkien saskia eta 6 sagardo botila. Saskien banaketa eremu mugatu batean egingo da (30 km). Nahi duena saskia jasotzera etor daiteke baratzera + Eskerrak.

    > 09 Cofinanceurs
  • Pour € 60

    BARAZKIZ BETETAKO SASKIA + 9 SAGARDO BOTILA

    Era ekologikoan ekoiztutako sasoian sasoiko barazkien saskia eta 9 sagardo botila. Saskien banaketa eremu mugatu batean egingo da (30 km). Nahi duena saskia jasotzera etor daiteke baratzera + Eskerrak.

    > 07 Cofinanceurs
  • Pour € 100

    Barazkiz betetako saskia + 9 sagardo botila + baratzetara bisita + sukaldaritza ikastaroa

    Era ekologikoan ekoiztutako sasoian sasoiko barazkien saskia eta 9 sagardo botila. Gainera baratzetara bisita gidatua antolatuko da eta jasotako barazkiekin sukaldaritza ikastaroa eskainiko dugu + Eskerrak.

    Saskien banaketa eremu mugatu batean egingo da (30 km). Nahi duena saskia jasotzera etor daiteke baratzera.

    > 14 Cofinanceurs
  • Pour € 150

    Zure enpresari publizitatea

    Edozein enpresa duzula, haren publizitatea egingo dugu Arraztaloren ekintzen bidez. Kontsumo taldean, materialean eta Arraztaloren agerraldi publikoetan zure enpresak txoko bat edukiko du.

    > 01 Cofinanceurs

À propos du projet

Ekointegrazioa: Gaixotasun psikikoa duten pertsonen gizarte integrazioa barazki eta sagardo ekologikoaren produkzio eta salmenta bidez

Budget Matériel Minimal Optimal
Traktorea
Baratzetan erabiltzeko traktorea.
€ 6.000
Sagardoa ekoizteko tresneria
Sagardo naturala ekoizteko kupelak eta beste materiala
€ 3.000
Total € 6.000 € 9.000
Indispensable
Optionnel

Informations générales

Arraztalo Elkartea gaixo psikikoei eta euren familiei laguntzeko jaio zen. Gaixo hauen lan eta gizarte integrazioa lortu nahi da, nekazaritzarekin lotutako hainbat lanpostu sortuz.

Sorreratik elkartearen filosofiaren ardatzetariko bat gaixotasun hori duten pertsonak herrian integratzea izan da. Eta horretarako lan integrazioa ezinbestekotzat jo zen elkartean.

Lan hori diseinatzeko garaian ezaugarri hauek hartu ziren kontuan:

  • Herrian bertan lan egitea.
  • Lana pertsona horien gaitasun eta mugetara egokitzea.
  • Harreman pertsonalizatuak lantzea. Gaixoaren egoera afektiboa eta egunerokotasunaren baloreak landuko dituen lana eskaintzea.
  • Gaixo psikikoen sare soziala zabaltzea ahalbidetuko duen lana garatzea. Kasu honetan herritar eta gainontzeko bitartekariekin hartu-emanen garrantzia.

Herritarren, bertako erakundeen eta gaixotasun psikikoa duten pertsonen familien laguntzari esker lortu dira gutxieneko azpiegitura eta hasierako baliabideak.

Beraien lan baldintzak asko hobetuko lirateke eta produktibitate handiagoa lortuko litzateke, lan egiten duten bi baratzetan barazki gehiago landatuz.

Lanpostuak egonkortzea eta proiektuari erabateko bultzada ematea oso garrantzitsua da pertsona hauek beraien ingurunetik atera eta eskubide zein betebehar berriak kudeatzen ikas dezaten.
Orain arteko esperientziak onura ezin hobeak lortu ditu:

  • Langile horien osasun psikikoan hobekuntzak.
  • Herritarrek gaixo horien lanaren produkzioa ikustearekin bat, bere egiten dute pertsona horien egoera, gaixotasun psikikoaren inguruko estigmak, beldurra eta tabuak baztertuz.

Orain arte erakunde ezberdinen laguntza jaso da, baina hauen bultzada estimagarrian den arren, proiektuak bere baliabideak bilatu behar dituela argi daukagu.

Aipatu den moduan, lanpostuen gauzatzea honako erakundeen diru-laguntzei esker sustatu da orain arte: Oiartzungo Udala, Oarsoaldea Garapen Agentzia, Lanbide eta Foru Aldundia. Erakunde horien babes ekonomikoa funtsezkoa izan da hasierako ibilbidean, gora behera ugariz betetako ibilbidea, esan nahi da, alegia, soldatarik gabe ere lan egin dutela langile horiek. Hasierako hilabeteetan zentimorik kobratu gabe prestatu ziren baratzak, eta horretara buru-belarri dedikatu zen langile horien arduradun nagusia bolondres gisa aritu zen.

Autokudeaketa eta funtzionamendu autonomoa dira orain lortu beharreko hurrengo urratsak. Elkarteak ezin du erakundeen babespean soilik jarraitu, egitura mantentzeko baliabide propioak bilatu behar ditu.

Caractéristiques principales

  1. Arduradun baten laguntzaz hiru langilek barazki ekologikoak ekoizten dituzte ondoren Oiartzungo Arraztalo kontsumo taldeari zuzenean saltzeko. Kontsumo taldeak ekologia eta integrazioa batu ditu. Elkarteko kide batek bere baratzak utzi zizkion proiektuari hasteko. Gaixoek monitore baten laguntzarekin egiten dute lan baratzean. Produktu asko ekoizten dituzte, ekologikoki landuak. Produktu horiei irteera emateko kontsumo taldea eratu zen. Inguruko hainbat herritan sortu diren bestelako kontsumo taldeekin alderatuz, bi ezaugarri nabarmentzen dira:
    a. Arraztaloko langileak ez dira baserritarrak, beste lan-erritmoa dute.
    b. Elkartea irabazi asmorik gabekoa denez, jasotako dirua langileen soldatan eta baratzetan inbertitzen da.

  2. Aitatu moduan, aktibitate hauetatik jasotzen den diru guztia soldatak ordaintzeko erabiltzen da, edozeren gainetik berdintasuna bilatu nahi dugulako. Gainera kontsumo taldearen inguruan sortu den mugimendua, erabat berritzailea da herrian. Jende berri asko sartu da, momentuz 30 familiek jasotzen dute astelehenero Oiartzungo plazan bere saskia. 30 pertsona gehiago daude zain itxaron-zerrendan. Garaian garaiko produktuez gain, beste batzuk ere ekoizten dituzte, sagardo ekologikoa adibidez.
    Sozializatzeko eta jendearekin harremanetan jartzeko aukera ona da astean behin egiten den saski banaketa, herritarrekin badute zer konpartitu, eta horrek asko laguntzen die. Langileek baratzean egiten dutena ez da okupazio hutsa, lana baizik, eurek astelehenero saskia prest edukitzeko konpromisoa baitute.

sagarbilketa.jpg

Pourquoi est-ce important

Proiektu hau hasteko bi arrazoi nagusi daude. Lehenengoa gaixo psikikoak Oiartzunen ikustaraztea eta hauek herriari dagoeneko aportatzen diotena erakustea da. Bestetik baratza ekologikoen inguruan martxan jarri zen proiektuari bultzada eman nahi diogu, egiten ari garen lan hori etorkizunean gal ez dadin.

Gaixotasun psikikoekin erlazionatutako pertsonak dira proiektuaren helburua, baita familiakoak, hauekin lan egiten dutenak eta arazo hau ezagutu baina nola lagundu ez dakitenak ere. Proiektua Oiartzunen ezaguna denez (erakunde ezberdinekin lan egin dugu), baztertuta dagoen kolektibo honi laguntza zehatza eman nahi dion edozeini irekita gaude.

Elkartearen estatutuen arabera, proiektu hau herrian kokatzen da. Ezin da ahaztu inguruan badaudela beste elkarte eta enplegu zentro bereziak gaixotasun psikikoen alde lan egiten dutenak, baina Arraztaloren oinarri eta printzipioetan herritartasuna funtsezkoa da elkartearen nortasunean. Zaila da baldintza horietan diru laguntzak jasotzea, gehienetan ezagunak diren makroegituretara zuzenduak baitaude. Hala ere, herrian kokatze horrek bere abantailak ditu, lanaren kalitatea bermatzen baita eta gainera beste herrietan proiektua errepikatzeko erraztasunak ematen ditu. Baliabide gutxirekin martxan jarri daitekeen eredu bat garatu da.
Gure baliabideak mugatuak izanik, gaixotasun psikikoari aurre egiten lagundu nahi dion edozeini zuzendua dago proiektua. Gogoa, ilusioa, lankidetza eta familien kemena izan dira proiektuaren ametsa gauzatu dutenak. Erakundeengandik eta bereziki herritarrengandik jasotako baliabideak izan dira bidelagun lau urte hauetan.

Hemendik aurrera proiektuak jarraitzeko urrats berriak eman behar ditugu. Gaixotasun psikikoa duten eta bere mailan profesionalak direnei laguntza emateko aukera ahalbidetzen du egitasmo honek. Buruko gaixotasuna, burua preso dutenena aintzat hartzen duten ororengana hedatua dago proiektua, hots: gaixotasuna hurbil sentitzen duen edo berarekin bizi den pertsonengana, arazo honetan konpromiso maila duen elkarte edo erakundeengana, interes pertsonala duen edozein pertsonarengana hain zuzen ere.

Aldi berean nekazaritza ekologikoak gizarteari dakarkion onurak estimuan dituen edonori dago irekia proiektua, azken finean mundu osasuntsuagoa nahi duen edozeinentzat.

Objectifs de la campagne de crowdfunding

Crowdfunding-eko kanpainaren helburuak honakoak dira:
1.Baratzetan egiten den lana hobetzeko traktore bat erosteko diru adina lortzea. Horrek nekazaritza arloa handiagotzea suposatuko luke, produkzio kantitatea igoaz, ekoizpen ekologikoa ugariagoa izan dadin. Xedeak kontsumo taldeko kideak gehiago izatea eta egun dagoen itxaron zerrenda asebetetzea lirateke. Momentu honetan baratzak lantzeko lanabesak eskas gelditzen dira eta lur-sailen lanketarako beharrezkoa da traktorea. Traktorea erosteko finantziazio bidea da proiektu hau.

  1. Egiten den lana herrian ezagutarazi eta ekintza hauen inguruko informazioa zabaldu.
  2. Lagundu nahi duen edonor erakarri eta kontsumo talde baten onurak nabarmendu.
saskia3.jpg

Expérience antérieure et équipe

Arraztalo Elkartea 2010 urtean sortu zen Oiartzunen. Ordura arte Oiartzungo Udalak gaixo psikikoekin lan programa ugari antolatu zituen, hauen lan integrazioa lortzeko. Programa horien oinarria AHALBIDE proiektua (http://arraztaloelkartea.wordpress.com/proiektuak/ahalbide/) izan zen.
2010 urtean Arraztalok hartu zuen programa horien antolaketa eta kudeaketa egiteko ardura, gaixoekin eta beraien familiekin zuzeneko lana eginez. Honen ondorioz sortu zen OKOBI proiektua (http://arraztaloelkartea.wordpress.com/proiektuak/okobi/). Antolaketa eta kudeaketa lana egiten duten pertsona guztiak boluntarioak dira, gaixoek eta hauen arduradunek bakarrik dute soldata eta egiten duten lanarekin zuzeneko lotura du.
Nekazaritza eta kontsumo taldearen proiektuak bi urte daramatza martxan eta astero-astero Oiartzungo 30 familiek beraien barazki saskia jasotzen dute. Sagardo naturala ere ekoizten dute.
Horretaz gain Arraztalo Elkarteak bestelako ekimenak burutu ditu proiektu honetan aitatzen ez direnak. Adibidez:
• Egoitza fisikoa lortu eta antolatu, elkarteko eta herriko laguntzari esker. (http://arraztaloelkartea.wordpress.com/2012/08/21/egoitza-berria/)
• Urtebeteko egitaraua gauzatu gaixotasun psikikoa duten familientzako auto-laguntza taldea eratuz, profesional baten gidaritzapean.
• Hitzaldiak antolatu. (http://www.diariovasco.com/v/20120301/pasaia-errenteria/gaixotasun-mentalen-inguruko-hitzaldia-20120301.html)
• Herrikoak diren ekimenetan jardun, gaixo psikikoen eta senideen edo interesdunen parte-hartzea bermatuz, herrigintza eta integrazioa txertatuz. (Herriko jaiak, kultura-ekimenak, ikastaroak, gizarte-hezkuntza kontseiluan partaidetza).
• Babes ofizialeko lau etxebizitza lortu gaixotasun psikikoa dutenentzako. Arau subsidiarioetan ofizialki kontenplatuak daude. Gipuzkoako Aldizkari Ofiziala (https://ssl4.gipuzkoa.net/boletin/asp/ViewRoot.asp?Action=Html&Item=0&X=1125125900), V atala. (http://oiartzun.hitza.info/2011/06/06/gaixo-psikikoentzat-olaldeko-lau-etxe-gordetzea-txalotu-du-arraztalok/)
• Beste tokitako kontsumo taldeekin batera jardun harremanetan, formakuntzan, gure lanaren zabalkundean. Basherri (http://basherri.wordpress.com/author/arraztalo/)
• Nekazaritza ekologikoari buruzko ikastaro eta ekimenetan parte hartu

baratzabisita.jpg

Engagement social